URIBE BUTROEKO MINI-OLINPIADAK
Irailaren 3tik 15era Uribe Butroeko Mini Olinpiadak 2007 burutuko dira. Arrieta, Fruiz, Gamiz-Fika, Gatika, Laukiz, Maruri-Jatabe eta Meñakako Udalek udalerri bakoitzean burutuko diren proba desberdinak egiteko ekintza antolatu dute, Tokiko Gazte Planetan hartutako gazte aisialdia bultzatzeko konpromisoaren harira. Uribe Butroeko Mini Olinpiadak 2007 7 egunetan zehar burutuko dira eta horiei amaiera emateko partaide eta inplikatuta dauden agente guztientzat, herri bazkaria egingo da.
Uribe Butroeko Mini Olinpiada 2007 gazteentzat erakargarri diren probak izan eta udal azpiegiturak erabiltzeko asmoz antolatu da, horrela udal zein eskualde mailan zer-nolako aisialdi eta kirol aukerak dituzten ezagutu dezaten lortuz. Partaideak leku batetik bestera joatea ahalbideratuko du ekintza honen antolatzaileak. Horretarako autobus batek hartuko ditu partaideak udal antolatzaile bakoitzean, dagokion udalerrira eramateko.
Uribe Butroeko Mini Olinpiadetan 2007 parte hartzeko betebehar bakarra 15 eta 30 urte bitarteko gaztea izatea da, ez baita erabakigarri izango zein eskualdeko udalerritan dagoen erroldatua. Izena ematea dohainekoa da eta udalerrietako Udaletxeetan edo horien web orrietan burutu beharko da. Partaide guztiek izango dute opari bat eskuragarri.
Uribe Butroeko Mini Olinpiadek 2007 irudi propioa izan dezaten lortu nahi da eta horretarako Uribe Butroeko Mini Olinpiaden 2007 logotipoa sortzeko ideien lehiaketa irekiko da. Logotipo horrek gutxienez izan behar dituen betebeharrak hurrengoak dira: testurik balu hori euskaraz izan beharko da, eta ezin daiteke hiru hitz baino luzeagoakoa izan, adierazgarria den logotipo edo maskotaren bat edukiko du, Uribe Butroeko udalerriekin zerikusia izan edo denentzat adierazgarria den zerbait izan beharko da eta gazte aisialdiarekin zerikusia izan beharko du. Oinarriak eta gainontzeko betebeharrak udalerri bakoitzaren web orrian eta Bizkaiko Aldizkari Ofizialean argitaratuko dira eta gainera, Udaletxe bakoitzean ere eskatu ahal izango dira. Logotipoen proposamenak aurkezteko epea BAO-n argitaratzen denetik 15 egunekoa izango da.
Mini Olinpiaden inguruko informaziorik jaso nahi bada dohainik eta SMS bidez, antolatzaile den Udaletxeetatik batean telefono mugikorraren zenbakia eman beharko da.
| Dokumentazioa | |||
|
Artxiboa
|
Pisua
|
Mota
|
Deskargatu
|
|
Eskaera Orria Logotipo
|
24 kb
|
PDF™
|
|
|
Izen-ematea Mini Olinpiadak
|
28 kb
|
PDF™
|
|
|
Oinarriak Logotipo
|
96 kb
|
PDF™
|
klikatu hemen |
|
Zinpeko aitormena (Logotipo)
|
44 kb
|
PDF™
|
klikatu hemen |
Adobe® Acrobat Reader™ beharrezkoada PDF™ irakurtzeko.Dekargatu Dohain